للشباب وبكل صراحه ووضوح

[center]السلام عليكم
كل عضو يدخل هنا لازم يجاوب
واحلفوا الاول والله العظيم اقول الحق
انا عايزة اتناقش معاكم وتتكلموا بصراحة
لاحظت كتير تعدد علاقاتكم
ممكن حد يمتلك الشجاعة ويقول ليه بمنتهى الامانة والوضوح متعددة علاقتكم فى وقت واحد
لو هتقولو ا من باب التسلية
ترضوا حد يتسلى باخواتكم بناتكم
او
الانسانة اللى هتبقى فى يوم من الايام شايلة اسمكم وزوجة ليكم
اللى رده وهى اختى هتعمل كده انا اختى متربية
احب اوجه للشخص ده سوال
وهى بنات الناس مش متربية
فى الكويس وفى الوحش
واللى هيقول الموضوع مش سايب انا بتابع اختى
احب اقوله وهو انت هتراقبها24 ساعة
فى مدرستها او جامعتها او اى مكان هتروحه
وهى مع صاحبتها
وتفتكر انت هتلعب وتتسلى ببنت وربنا هيسيبك كده
افعل ما شئت يابن ادم كما تدين تدان
وفى نوعية تانية من الشباب فعلا بترتبط وتحب بس للاسف
الخيانة اللى بتلوث براءة الحب تلاقيها ملاحقاهم
ووقت الجد كل انسان عايز بنت ملهاش اى تجارب والمفروض تغفر اى تجربة كانت فى حياة الانسان اللى هترتبط بيه
طب لما كل واحد يعرف له عشرة ولا عشرين بنت
فين البنت اللى مش هتبقى ليها تجارب عشان تصلح زوجة
وليه فى خيانة بتلوث احساس وبراءة الحب
لو البنت اللى بتحبها فيها شى مفقود ليه متحاولش تلفت نظرها ليه وتغيره فيها
تفتكر البنت لو لقيت شى مفقود عندك تروح تخونك ويحق لها ده ولا
لا يصلح لها فعل هذا الامر
ليه كل انسان ميحاولش يراعى ربنا فى البنت اللى معاه
وليه الشاب لما يتجرح يبقى عايز ينتقم منها ولو مقدرش ينتقم منها فى غيرها
وكل همه ينسى جرحه وبس ومفكرش انه ممكن يجرح قلب بنت تانية هتشوف نفس الالم اللى عاشه
وفى نوعية تانية غريبة جدا
مش عارفة اوصفها بايه
الانسان اللى يحب بنت قوووى واى مشكلة بينهم يبتدى يرجع يتكلم مع صحباته ويتعرف على بنات جديدة على سبيل النسيان تضيع وقت لحد ما يرجعوا لبعض تانى
تفتكروا ده يبقى ايه
ياريت تجاوبوا بصراحة وبلاش حد يهرب من الاجابة ويدخل يقرا ويخرج جرى
انا مراقباكم

تعرفوا ان من كتر الشاب ما بيرتبط مبيبقاش عنده ثقة فى اى بنت وبيبقى شكاك قوووى
انتوا هتهربوا ولا ايه طب فين الشجاعة والرجولة والمواجهة
وياريت محدش يبكش وميقولش الصراحة
خليكوا عندكم شجاعة وجاوبوا
وبلاش اصل انا مش بعمل كده والكلام ده احنا كبار وفهمين بعض كويس ولا ايه

_________________
لــن يفيد ان تنـــادي حبيبا لا يسمعــــــك ..
وا ن تسكــــن بيتا لم يعد يـــعرفك احد فيـــه
و ان تعيش على ذكرى انسان فرط فيــك بلا ســـبب..

» تغطية خاصة لكأس العلم للشباب